მაიდანის ტრაგედიიდან ერთი წელი გავიდა

დღეს კიევში მაიდანის ტრაგედიის წლისთავს აღნიშნავენ. 2014 წლის 20 თებერვალს, მაიდანის დაშლის რამდენიმედღიანი უშედეგო მცდელობის შემდეგ, ძალოვნებმა მაიდანის აქტივისტებს ცეცხლსასროლი იარაღიდან ცეცხლი გაუხსნეს. სულ ევრომაიდანზე 106 დემონსტრანტი, მათ შორის, საქართველოს სამი მოქალაქე დაიღუპა. 22 თებერვალს პრეზიდენტმა ვიქტორ იანუკოვიჩმა კიევი დატოვა, უკრაინაში ხელისუფლება შეიცვალა. 22 თებერვალს კიევში მაიდანზე დაღუპულთა პატივსაცემად ღირსების მარში გაიმართება. ღონისძიებას რამდენიმე ქვეყნის ლიდერიც დაესწრება.