სფფ-ში გამართულ აღმასკომის სხდომაზე, კახა ცხადაძე საქართველოს ეროვნული ნაკრების მთავარ მწვრთნელად ერთხმად დაამტკიცეს. ამის შესახებ ინფორმაციას სფფ-ის პრესსამსახური ავრცელებს.
"შეგახსენებთ, რომ ნაკრების ახალ თავკაცთან - კახა ცხადაძესთან გაფორმებულია 6 თვეს + 2 წელი - ხანგრძლივობის კონტრაქტი. მიზნებში კი, მომდევნო მსოფლიო ჩემპიონატზე ან მინიმუმ საკვალიფიკაციო ეტაპის ფლეი-ოფში გასვლაა. მთავარი მწვრთნელის მუშაობა მხოლოდ ამ შედეგებით შეფასდება დამაკმაყოფილებლად", - ნათქვამია სფფ-ის ვებგვერდზე.
9 თებერვალს, აღმასკომმა ეროვნული ჩემპიონატის უმაღლესი და პირველი ლიგის კალენდრებიც დაამტკიცა. აღმასკომისვე გადაწყვეტილებით, საქართველოს ეროვნული ჩემპიონატის დებულებაში და სადისციპლინო კოდექსში ცვლილებები შევიდა, რომელიც ეროვნული ჩემპიონატის მატჩების ვიდეოჩანაწერების დროულად წარმოდგენას ეხება.
