საქართველოს პრემიერმინისტრმა ირაკლი ღარიბაშვილმა თავდაცვის მინისტრის მოადგილეები დანიშნა. პოსტებს ლევან ღირსიაშვილი და გოჩა რატიანი დაიკავებენ.
ლევან ღირსიაშვილი უსაფრთხოებისა და კრიზისების მართვის საბჭოს წარმომადგენელი იყო, ხოლო გოჩა რატიანი - შს სამინისტროს ადმინისტრაციის უფროსი.
შესაბამისი ბრძანება მთავრობის ვებგვერდზე უკვე გამოქვეყნდა.
შეგახსენებთ, რომ თავდაცვის მინისტრის პოსტზე მინდია ჯანელიძე პრემიერმა 5 ნოემბერს დანიშნა.
