კობახიძე: არ მგონია, რომ ენმ-ის შემოთავაზებულ გარკვეულ ნაბიჯებს უნდა ავყვეთ

რაც შეეხება ერთიანი ნაციონალური მოძრაობის პოზიციებს, სამწუხაროდ, მათი მთელი საგარეო პოლიტიკა იმგვარად წარიმართა, რომ ჩვენ მივედით იმ რეალობამდე, სადაც მივედით - ის, რომ გვაქვს ოკუპირებული ტერიტორიები, ის, რომ უფრო მეტი ტერიტორიაა დღეს ოკუპირებული, ვიდრე ეს იყო 2008 წლამდე. ასე რომ, მათი სვლები ხშირ შემთხვევაში იყო გაუმართლებელი. ასე რომ, არ მგონია, მათ მიერ შემოთავაზებულ გარკვეულ ნაბიჯებს ჩვენ უნდა ავყვეთ. უნდა იყოს ძალიან თანმიმდევრული, მხოლოდ მშვიდობიანი და საერთაშორისო თანამეგობრობის ძალიან აქტიური ჩართულობით და მათი მხარდაჭერით შეკავება რუსეთის და არა სხვა რაიმე აგრესიული ნაბიჯით, რომელიც უფრო მეტ პროვოკაციას გამოიწვევს რუსეთის მხრიდან.