პრემიერი: ჩვენი მთავრობა გზებს უფრო სწრაფი ტემპით აგებს

მართლა შთამბეჭდავია ის შედეგი, რასაც [დავით] შავლიაშვილმა მიაღწია ამ ორი წლის განმავლობაში. მინდა ყველას შევახსენო, მაშინ როცა, წინა ხელისუფლების დროს 8 წლის განმავლობაში მოხდა მხოლოდ 70 კმ მაგისტრალის მშენებლობა, მინისტრმა შავლიაშვილმა, მისმა გუნდმა და მისმა წინამორბედმა ორ წელიწადში ერთობლივად შეძლეს 55 კმ ავტომაგისტრალის მშენებლობა, 550 კმ-ზე მეტი გზის მშენებლობა-შეკეთება-რეაბილიტაცია, 80-ზე მეტი  ხიდის კაპიტალური რეაბილიტაცია და 19 ახალი ხიდის მშენებლობა. ეს არის ის რეალური შედეგი, რითაც ჩვენ ნამდვილად ვამაყობთ, მაგრამ, რა თქმა უნდა, ჩვენ გასაკეთებელი ძალიან ბევრი გვაქვს.