გუშინ, მიხეილ სააკაშვილმა თავის ფეისბუქის გვერდზე "ახალი დღის მანიფესტი" გამოაქვეყნა. ექს-პრეზიდენტი საზოგადოებას თანამშრომლობას სთავაზობს ერთიანი პლატფორმის შექმნის პროცესში და გამოყოფს 7 პრიორიტეტს - მათ შორისაა განათლება, დეცენტრალიზაცია, ევროპული კურსი, დაცული ადამიანი, დაბალანსებული ხელისუფლება, ტოლერანტული საქართველო და განვითარების, მაგრამ თანაგრძნობის ეკონომიკა. სააკაშვილი ნაციონალური მოძრაობის ხელისუფლებაში დაბრუნებაზე საუბრობს, მაგრამ ამავდროულად ამბობს, რომ ის რაც ნაციონალური მოძრაობის წლებში იყო, ვერ განმეორდება და რაღაც ახალს აანონსებს.
ნაციონალური მოძრაობის პოლიტიკური საბჭოს წევრთან, ზაზა ბიბილაშვილთან ვსაუბრობთ მანიფესტის შესახებ.
