ფენომენალური წიგნია - ამბობს გეიტსი.
ეს წიგნი დაწერილია ბილისთვის და ჩემთვის - ამბობს უორენ ბაფეტი.
ჯონ ბრუკსი გეიტსის საყვარელი ბიზნეს-მწერალია და სწორედ მისი ავტორობით დაწერილი წიგნია "ბიზნეს-თავგადასავლები", რომლის წაკითხვასაც მულტიმილიარდერები ყველას ურჩევენ, ვისაც საკუთარი ბიზნესის დაწყება უნდა. წიგნი თავადაც არაერთხელ გადაუკითხავთ.
წიგნის ბოლო გამოცემა 1971 წლით თარიღდებოდა, მანამ სანამ 2014 წელს 43-წლიანი პაუზის შემდეგ ხელახლა არ დაიბეჭდა.
ავტორი, ჯონ ბრუკსი წლების განმავლობაში New York Times-ის ბიზნესისა და ეკონომიკის მწერალი იყო. წიგნი კრებულია 1960-იან წლებში გამოქვეყნებული სტატიებისა, რომელიც 50 წლის წინანდელ ბიზნესგარემოს საფუძვლიანად აღწერს და გეიტსის განამრტებით დღემდე ახერხებს იყოს რელევანტური.
"ბიზნეს-თავგადასავლებს" გეიტსმა და ბაფეტმა Youtube ვიდეოც მიუძღვნეს, სადაც ექსპერტებთან ერთად აფასებენ წიგნის მხატვრულ და შინაარსობრივ ღირებულებას.
ტაბულას საზაფხულო საკითხავის სიას კიდევ ერთი წიგნი ემატება:
ჯონ ბრუკსი - ბიზნეს-თავგადასავლები: 12 კლასიკური მოთხრობა უოლ სტრიტიდან (Business Adventures: Twelve Classic Tales from the World of Wall Street)
