"თუ ბოლო ხუთი წელია ფინანსური გამოწვევები დომინირებს, შემდეგი ხუთი წლის განმავლობაში საერთო პოლიტიკური გამოწვევები გვექნება დასაძლევი" - ამბობს შვედეთის საგარეო საქმეთა მინისტრი ევროპის უსაფრთხოებაზე საუბრისას.
რუსეთის აგრესიული რევიზიონიზმი, დასავლეთ ევროპის ახლომხედველი იზოლაციონიზმი, ქაოსი ახლო აღმოსავლეთში, ჩინეთის აღმასვლა და ამერიკა - რომლის ყურადღებაც საშინაო პრობლემებზეა ფოკუსირებული - ეს იმ პრობლემების არასრული ჩამონათვალია, რაც კარლ ბილდტის აზრით დაფიქრებას და შესაბამისი დასკვნებს გამოტანას საჭიროებს.
გუშინ შვედეთის საგარეო საქმეთა მინისტრი თბილისს ეწვია - ტაბულამ ნაციონალური ტელევიზიების ჟურნალისტებთან ერთად მასთან ინტერვიუ ჩაწერა.
რას მოუტანს საქართველოს და მის ხელისუფლებას პოლიტიკური ოპონენტების დევნა, ემუქრება თუ არა ევროინტეგრაცია ქართულ იდენტობას, რამდენად ადეკვატურია დასავლეთის რეაქცია პუტინის მოქმედებებზე - გადაცემის დასაწყისში კარლ ბილდტის მოსაზრებებს შემოგთავაზებთ ამ და სხვა თემებზე.
