ევროკავშირთან ასოცირების შეთანხმების ხელმოწერას მსოფლიოს სხვადასხვა ქვეყნის ლიდერები ტვიტერზე ეხმაურებიან.
პოლონეთის საგარეო საქმეთა მინისტრი რადოსლავ სიკორსკი - დღეს დიდი დღეა აღმოსავლეთ პარტნიორობის ქვეყნებისთვის. საქართველო, უკრაინა და მოლდოვა დღეს ხელს მოაწერენ ევროკავშირთან ასოცირების შეთანხმებას. მოგესალმებით პოლონეთიდან."
ევროკომისარი გაფართოებისა და სამეზობლო პოლიტიკის საკითხებში შტეფან ფულე - "მნიშვნელოვანი დღეა საქართველოს, უკრაინისა და მოლდოვასთვის. ასოცირების შეთანხმების ხელმოწერა უნიკალური გზაა მოდერნიზაციისთვის".
ევროკომისიის პრეზიდენტი ჟოზე მანუელ ბაროზო - "საქართველოსთან, უკრაინასთან და მოლდოვასთან ასოცირების შეთანხმება ისტორიულია. ეს არის იმ გზის შედეგი, რომელიც 20 წელზე მეტის წინ დაიწყო".
შვედეთის საგარეო საქმეთა მინისტრი კარლ ბილდტი - "მივესალმები საქართველოს, უკრაინისა და მოლდოვას ევროკავშირთან ასოცირების შეთანხმების ისტორიულ დღეს".
