სამართლიანი არჩევნებისა და დემოკრატიის საერთაშორისო საზოგადოება კვლავ 15 ივნისის არჩევნებზე დაფიქსირებული დარღვევების შესახებ საუბრობს და ცესკოს პრობლემატურ უბნებზე შედეგების ხელახალი დათვლისკენ მოუწოდებს. ორგანიზაციის აღმასრულებელი დირექტორის თქმით, ყველა საარჩევნო უბნის ოქმების შესწავლის შედეგად თვითმმართველობის არჩევნებზე უპრეცედენტოდ მაღალი ბათილი ბიულეტინების მაჩვენებელი გამოვლინდა.
ამასთან, ასობით უბანზე შემაჯამებელ ოქმებს აკლდა კომისიის ბეჭედი, საარჩევნო კომისიის წვერების ხელმოწერები, ოქმის შედგენის თარიღი. 500-ზე მეტ შემაჯამებელ ოქმში კი არ იყო დაცული ბალანსი. ნინო ლომჯარია ამბობს, რომ არჩევნების სანდოობისა და ლეგიტიმურობის გაზრდის მიზნით, შედეგების ხელახლა დათვლის პროცესზე ყველა დაინტერესებული მხარე უნდა იყოს მიწვეული.
