აჭარაში რამდენიმე დღის წინ დაკარგული 21 წლის მამაკაცი ჩამომხრჩვალი იპოვეს. საქართველოს შინაგან საქმეთა სამინისტროს ინფორმაციით, მომხდართან დაკავშირებით გამოძიება უკვე დაწყებულია.
გამოძიება სსკ-ის 115-ე მუხლით მიმდინარეობს, რაც ადამიანის თვითმკვლელობამდე მიყვანას გულისხმობს.
ორი დღის წინ, გარდაცვლილი ახალგაზრდას მამა აცხადებდა, რომ 21 წლის ბ.გ-მ 16 ივნისს სარფის საბაჟო 17:50 საათზე გადმოკვეთა და თურქეთიდან სამშობლოში დაბრუნდა, მეგობარ გოგონას დაურეკა, შემდეგ კი, მისი კვალი დაიკარგა.
