დარიალის სასაზღვრო გამტარი პუნქტი გაიხსნა. შინაგან საქმეთა სამინისტროს საპატრულო პოლიციის დეპარტამენტის ინფორმაციით, პუნქტი 24-საათიან რეჟიმში იმუშავებს.
დეპარტამენტის ცნობით, დარიალის ხეობაში ჩამოწოლილი მეწყერის შედეგად ჩახერგილი გზის სარემონტო-გაწმენდითი სამუშაოების გაგრძელების გამო, ავტომანქანების გაშვება ეტაპობრივად მოხდება.
დარიალის სასაზღვრო გამტარი პუნქტი ხეობაში ჩამოწოლილი მეწყერის გაწმენდითი სამუშაოების გამო 17 მაისიდან არ ფუნქციონირებდა.