თეორემას პირველ ნაწილში ოკუპირებულ აფხაზეთში მიმდინარე მოვლენებს მიმოვიხილავთ - როგორც იცით, გასულ სამშაბათს ოპოზიციამ სოხუმში მარიონეტი პრეზიდენტის, ანქვაბის ადმინისტრაციის შენობა დაიკავა.
მარიონეტმა პრეზიდენტმა ოპოზიციის მოქმედებებს შეიარაღებული სახელმწიფო გადატრიალება უწოდა. ოპოზიციის მტკიცებით ამ მოვლენების კატალიზატორად ოკუპირებული აფხაზეთის აღმოსავლეთ რეგიონებში მცხოვრები ეთნიკური ქართველებისთვის აფხაზური პასპორტების გაცემა გახდა.
რა საფრთხეებს შეიცავს აფხაზეთში მიმდინარე მოვლენები, რა როლს ასრულებს კრემლი, რა ელით გალში, ტყვარჩელსა და ოჩამჩირეში მცხოვრებ ეთნიკურ ქართველებს, როგორ უნდა იმოქმედოს საქართველოს ხელისუფლებამ.
გადაცემის სტუმრები: შოთა უტიაშვილი, ზურაბ შენგელია, თენგიზ აბლოთია, გია გვაზავა.
