შინაგან საქმეთა სამინისტროს ინფორმაციით, დარიალის ხეობაში ჩატარებული სამაშველო ოპერაციის შედეგად 164 ადამიანის გადარჩენა მოხერხდა. შსს-ს ცნობით, საგანგებო სიტუაციების მართვის დეპარტამენტის თანამშრომლებმა დარიალჰესთან მდებარე გვირაბიდან თურქეთის რესპუბლიკის 12 მოქალაქე და მეწყერის ქვეშ მოყოლილი სატვირთო ავტომანქანების 2 მძღოლი გამოიყვანეს.
მათივე ინფორმაციით, მაშველებმა ლარსის საბაჟო-გამშვები პუნქტიდან მოქალაქეების, შსს-ს სასაზღვრო და საპატრულო პოლიციის დეპარტამენტების და ფინანსთა სამინისტროს შემოსავლების სამსახურის თანამშრომლების - სულ 150 ადამიანის ევაკუირება მოახდინეს.
დარიალის ხეობაში ჩამოწოლილი მეწყერის შედეგად დაკარგულად სულ მცირე 5 ადამიანი ითვლება.
