„ვერ დავადასტურებთ ინფორმაციას იმის შესახებ, რომ ვანო მერაბიშვილს დღეს ციხიდან დარეკვის საშუალება არ მიეცა. ათასობით მსჯავრდებულია და ყველა მათგანის სატელეფონო ზარის შესახებ კომენტარს ვერ გავაკეთებთ“, - აღნიშნა ტაბულასთან საუბარში სასჯელაღსრულებისა და პრობაციის სამინისტროს პრესსამსახურის წარმომადგენელმა.
ერთიანი ნაციონალური მოძრაობის პრესსამსხურში ტაბულას უთხრეს, რომ დღეს საქართველოს ყოფილი პრემიერმინისტრი, მსჯავრდებული ვანო მერაბიშვილი სასჯელაღსრულების #9 დაწესებულებიდან (მატროსოვი) პარტიის ოფისში დარეკვას გეგმავდა, თუმცა მას ამის შესაძლებლობა არ მისცეს.
დღეს ვანო მერაბიშვილს დაბადების დღე აქვს. ერთიანი ნაციონალური მოძრაობის გენერალური მდივანი 46 წლის გახდა.