საქართველოს უზენაესი სასამართლოს თავმჯდომარის კონსტანტინე კუბლაშვილის თქმით, თითქმის სამთვიანი განხილვისა და კანდიდატებთან გასაუბრების შემდეგ, იუსტიციის უმაღლეს საბჭოში ჩატარდა კენჭისყრა და იუსტიციის უმაღლეს სკოლაში 16 მსმენელი ჩაირიცხა. 9 მათგანი სასამართლო სისტემაში მუშაობს. გარდა ამისა, კონსტანტინე კუბლაშვილის ინფორმაციით, ჩარიცხულთა შორის არის ადვოკატი, ჯანდაცვის სამინისტროს თანამშრომელი, სახალხო დამცველის აპარატის წარმომადგენელი და პოლიციის თანამშრომელი.
”იმედი მაქვს, იუსტიციის უმაღლეს სკოლაში 10-თვიანი ძალიან დატვირთული სასწავლო კურსის წარმატებით გავლის შემდეგ, 2015 წლის იანვარში ჩვენ მივიღებთ 16 ახალ მოსამართლეს, რომლებიც სრულყოფილად იქნებიან მომზადებულები ამ უზარმაზარი პასუხისმგებლობისთვის და ღირსეულად დაიწყებენ მოსამართლედ მუშაობას", - აღნიშნა კონსტანტინე კუბლაშვილმა.
