დასავლეთიდან უკრაინის მიმართ შესაძლო სამხედრო მხარდაჭერის შესახებ ინფორმაციას არ ვფლობ, - თქვა „რუსთავი2“-ის ეთერში პარტია „უდარ“-ის ლიდერმა ვიტალი კლიჩკომ.
კლიჩკო მორალური მხარდაჭერისა და რუსეთის მიმართ დაწესებული სანქციების გამო დასავლეთს მადლობას უხდის. „მტკიცედ ვარ დარწმუნებული, რომ ჩვენ, უკრაინელებმა საკუთარი ქვეყნის საზღვრები, ტერიტორიული მთლიანობა და დამოუკიდებლობა უნდა დავიცვათ,“ - აღნიშნავს ვიტალი კლიჩკო.
სანქციების შესახებ საუბრისას, კლიჩკო აღნიშნავს, რომ ახლა პირველი დონის სანქციებია გამოყენებული და ის უფრო გამკაცრდება.
„რუსეთის მიმართ უფრო მკაცრ ქმედებებს მოველით, მათ შორის ეკონომიკური მიმართულებით,“ - მიიჩნევს კლიჩკო.