ნაციონალურ საკალათბურთო ასოციაციაში დღეს გამთენიისას, ერთმანეთს მინესოტა ტიმბერვულვზი და მილუოკი ბაქსი დაუპირისპირდნენ. მასპინძლებმა შეხვედრაში ანგარიშით - 112:101 გაიმარჯვეს, მაგრამ წაგებულთა რიგებში რეკორდული მაჩვენებელი დააფიქსირა ქართველმა ზაზა ფაჩულიამ.
ბაქსის ცენტრმა NBA-ს 11-წლიან კარიერაში შედეგიანი გადაცემების პირადი რეკორდი დაამყარა, ფაჩულიამ თანაგუნდელებს 10-ჯერ უპასა.
რეკორდის გარდა, ზაზა ფაჩულია მილუოკელთა რიგებში მატჩის ყველაზე შედეგიან მოთამაშედ დაასახელეს. ქართველმა მთლიანობაში 27,51 წუთი ითამაშა და 9 ქულა, 10 პასი და 6 მოხსნა მოაგროვა.