უკრაინაში, მაიდანზე ახალი მთავრობის კანდიდატები წარადგინეს. პრემიერმინისტრის პოსტზე ოპოზიციის ერთ-ერთი ლიდერი და პარტია ბატკივშჩინას ლიდერი - არსენი იაცენიუკი დაასახელეს.
ვიცეპრემიერის თანამდებობაზე ჰუმანიტარული პოლიტიკის საკითხებში ოლგა ბოგომოლეცი წარადგინეს. ვიცეპრემიერად ევროინტეგრაციის საკითხებში ბორის ტარასიუკი დაასახელეს.
ვიცეპრემიერად რეგიონალური პოლიტიკის საკითხებში ვლადიმირ გროისმანი დასახელდა, ხოლო ვიცეპრემიერმინისტრად - ალექსანდრ სიჩი.
ასევე, იუსტიციის მინისტრად - პაველ პეტრენკო, ფინანსთა მინისტრად - ალექსანდრ შლაპაკი, ეკონომიკის მინისტრად - პაველ შერემეტა, საგარეო საქმეთა მინისტრად - ანდრეი დეშიცა, აგრარული პოლიტიკის საკითხებში მინისტრი - ალექსანდრ მირნი და სხვა მინისტრები.
მთავრობის ახალ შემადგენლობას ხვალ, 27 თებერვალს უმაღლეს რადაში კენჭისყრით აირჩევენ.
