საქართველოს 19-წლამდელ მორაგბეთა ნაკრები ევროპის ჩემპიონის ტიტულით თბილისში, დღეს გამთენიისას დაბრუნდა.
ლისაბონში გამართულ ტურნირზე ქართველმა მორაგბეებმა ყველა მეტოქე დიდი ანგარიშით დაამარცხეს, ჩემპიონატის ფინალში კი ბელგიის ნაკრებს 32:6 სძლიეს.
ევროპის ჩემპიონის ტიტულის მოპოვებით, 19-წლამდელმა ბორჯღალოსნებმა 20-წლამდელთა შორის მსოფლიოს ალაფის საგზურიც მოიპოვეს, რომელიც 2013 წელს ჰონგ-კონგში გაიმართება.
დღეს, სპორტისა და ახალგაზრდობის საქმეთა სამინისტროში, ქართველ მორაგბეებსა და მწვრთნელებს სპორტის დეპარტამენტის უფროსი ირაკლი დოლაბერიძე შეხვდა და გამარჯვება მიულოცა.
