იოსებ სტალინის ძეგლი, რომელიც თელავში 1 სექტემბერს გაიხსნა, იმავე ღამეს ფერადი საღებავით გადაღებეს.
ძეგლი, რომელიც არსებული ინფორმაციის თანახმად, შემოწირულობებით გაკეთდა, თელავში ორგანიზაცია სტალინელმა და ვეტერანთა კავშირმა საზეიმო ვითარებაში გაიხსნეს. დღესვე ცნობილი გახდა, რომ, შესაძლოა, მონუმენტი მოხსნან. მუნიციპალიტეტის საკრებულოს თავმჯდომარის დიმა ბოჭორიძის თქმით, ძეგლის გახსნის შესახებ მედიით შეიტყო და საკრებულოს შესაბამისი ნებართვა არ გაუცია.
ეს სტალინის ძეგლის შეღებვის პირველი შემთხვევა არ არის. რამდენიმე თვის წინ საბჭოთა ბელადის ძეგლები სოფლებში ზემო ალვანსა და აკურაში, ასევე კიკეთში ვადისფრად გადაღებეს.