დინამო თბილისის ფეხბურთელებმა ტორსჰავენში მეორე, მსუბუქი ვარჯიში გამართეს. დუშან უჰრინის ფეხბურთელები ფარერის კუნძულებზე უეფას ჩემპიონთა ლიგის მეორე საკვალიფიკაციო ეტაპის განმეორებით შეხვედრაში, ადგილობრივ სტრეიმურს დაუპირისპირდებიან.
პირველ მატჩში 6:1 გამარჯვების შემდეგ, დინამოელებმა შემდეგ ეტაპზე გასვლა ფაქტობრივად გაინაღდეს. შეგახსენებთ, რომ ტრავმის გამო უჰრინის გუნდს პეტერ გრაიციარი და ირაკლი ძარია ვერ დაეხმარებიან.
მატჩი სტრეიმურსა და დინამო თბილისს შორის, თბილისის დროით 22:00 სთ-ზე დაიწყება. შეხვედრის ტრანსლაცია, სავარაუდოდ, დინამოს ვებგვერდზე განხორციელდება.
