ევროკავშირის სადამკვირვებლო მისია დიცთან ახალი მავთულხლართების გავლებას აკვირდება, ნათქვამია მისიის მიერ გავრცელებულ განცხადებაში. განცხადების მიხედვით, ამ თემაზე ინფრომაციის გაცვლა ცხელი ხაზის საშუალებითაც ხორციელდებოდა.
"გადაადგილების თავისუფლება არის ევროკავშირის სადამკვირვებლო მისიის ერთ-ერთი მთავარი პრიორიტეტი. პატრული მაშინვე გაგზავნილ იქნა ადგილზე ამ ფაქტის დასადასტურებლად და მოვლენების დაკვირვების მიზნით. ამ საკითხს ალბათ განიხილავენ ინციდენტების პრევენციისა და მათზე რეაგირების შემდეგ შეხვედრაზე, 31 მაისს", - ნათქვამია ევროკავშირის სადამკვირვებლო მისიის განცხადებაში.
რუსმა მესაზღვრეებმა სოფელ დიცთან მავთულხლართები გაავლეს. შსს-ის ცნობით, ეს კანონდარღევაა და აღნიშნული უკანონო ქმედების საკითხს 31 მაისს, ინციდენტების პრევენციისა და მათზე რეაგირების ჯგუფის შეხვედრაზე დააყენებენ.
