თბილისის მერია ავღანეთში დაღუპული ჯარისკაცების ოჯახებს 10-10 ათასი ლარით დაეხმარება. ამის შესახებ მერიის კულტურისა და სოციალური სამსახურის უფროსმა მამუკა ქაცარავამ განაცხადა.
“უპირველესი ამოცანა ახლა უნდა იყოს მათი ოჯახების დახმარება. სწორედ ამიტომ გადავწყვიტეთ, თავდაცვის სამინისტროსთან ერთად, დავეხმაროთ გმირი სამხედროების ოჯახებს. ამისთვის თბილისის მერმა თავისი სარეზერვო ფონდიდან გამოყო თანხა და თითოეულ ოჯახს 10-10 ათასი ლარი გადაეცემა”, - აღნიშნა ქაცარავამ.
