თბილისის მერმა, გიგი უგულავამ, დღევანდელ თბილისის მთავრობის სხდომაზე, კრწანისის ახალი გამგებლის შესახებ ისაუბრა. როგორც უგულავამ განაცხადა, ხათუნა ბერძენიშვილი კრწანისის რაიონის მოსახლეობის უფლებებს დაიცავს.
მისივე თქმით, ბერძენიშვილი საზოგადოებრივი მაუწყებლიდან ''ტოტალური ზეწოლის გამო წამოვიდა''.
"მიმაჩნია, რომ ჟურნალისტიკა ერთგვარი კარგი წინაპირობაა, კარგი სტარტია იმისთვის, რომ ადამიანმა სხვა ასპარეზზე მოსინჯოს საკუთარი ძალები", - აღნიშნა გიგი უგულავამ.
როგორც თავად კრწანისის რაიონის ახალი გამგებელი აცხადებს, ის კრწანისელების პრობლემების გადაჭრაში აქტიურად ჩაბმას აპირებს.
შეგახსენებთ, საზოგადოებრივი მაუწყებლის საინფორმაციო სამსახურის ყოფილი უფროსი, ხათუნა ბერძენიშვილი, კრწანისის რაიონის გამგებლად დაინიშნა. ბერძენიშვილი რაიონის გამგებლად, დედაქალაქის მთავრობის დღევანდელ სხდომაზე ოფიციალურად წარადგინეს.