ინტერფაქსის ინფორმაციით, რუსეთის მთავარმა სანიტარმა გენადი ონიშენკომ ბორჯომის რუსეთის ბაზარზე დაბრუნების ნებართვა არ გასცა.
"ბორჯომთან დაკავშირებით რაღაც კითხვები გაჩნდა. ამიტომ ჩვენ მოვითხოვთ განმეორებითი სინჯები ჩატარდეს", - განაცხადა რუსულ პრესასთან საუბრისას "როსპოტრებნადზორის" ხელმძღვანელმა.
რუსეთის სანიტარული სამსახურის ინსპექტორთა ჯგუფი საქართველოს დღეს მეორე ვიზიტით ეწვევა. ისინი აჭარასა და დასავლეთ საქართველოში მდებარე რამდენიმე კომპანიას შეამოწმებენ.
რუსეთის სანიტარულმა სამსახურმა 40-მდე სახეობის ღვინოს რუსეთის ბაზარზე შესვლის ნება მისცა.
