თბილისის საქალაქო სასამართლოს გადაწყვეტილებით, დეპუტატების ფიზიკურ შეურაცხყოფაში ბრალდებულ გელა მამალაძეს, აღმკვეთი ღონისძიების სახით 2-ათასლარიანი გირაო შეეფარდა.
გელა მამალაძეს პარლამენტარების, ჩიორა თაქთაქიშვილის, სერგო რატიანისა და მოქალაქე გიგა ნასარიძისთვის ფიზიკური შეურაცხყოფის გამო, ბრალი 239-ე მუხლის I ნაწილით წაეყენა და გირაოს გადახდის ვადად 20 დღე მიეცა.
გირაოს გადახდამდე მამალაძე გლდანის მე-8 დაწესებულებაშია გადაყვანილი.
შეგახსენებთ, 8 თებერვალს, გელა მამალაძემ ფიზიკური შეურაცხყოფა მიაყენა დეპუტატ ჩიორა თაქთაქიშვილს, სერგო რატიანსა და მოქალაქე გიგა ნასარიძეს.