შინაგან საქმეთა სამინიტროს ქუთაისის რაიონული სამმართველოს თანამშრომლებმა, ქუთაისში მომხდარ ინციდენტთან დაკავშირებით 6 პირი დააკავეს. დაკავებულებს ბრალი ხულიგნობის მუხლით წარედგინათ. ამის შესახებ შსს იუწყება.
''19 დეკემბერს, ქუთაისში "ნაციონალური მოძრაობის" ოფისთან მომხდარი ინციდენტის გამოძიებისას სამართალდამცველებმა 6 პირი დააკავეს, მათ ბრალი სისხლის სამართლის კოდექსის 239-ე მუხლის 1-ლი ნაწილის შესაბამისად წარედგინათ'', - ნათქვამია შსს-ს განცხადებაში.
დაკავებულთა სასამართლო პროცესი ამ წუთებში მიმდინარეობს.
შეგახსენებთ, ქუთაისში პრეზიდენტის შეხვედრას ერთიანი ნაციონალური მოძრაობის წარმომადგენლებთან, ინციდენტი მოჰყვა. მიმდინარე საპროტესტო აქციის მონაწილეებმა უმცირესობის წევრებს ფიზიკური შეურაცხყოფა მიაყენეს.