"საქართველო შესაძლოა რუსეთის მოკავშირე გახდეს, თუმცა ეს მას აშშ-სთან მეგობრობის ფასად დაუჯდება", - ამის შესახებ აშშ-ის პრეზიდენტ ჯიმი კარტერის ყოფილმა მრჩეველმა ეროვნული უშიშროების საკითხებში ზბიგნევ ბჟეზინსკიმ განაცხადა.
საქართველო-რუსეთის ურთიერთობების პერსპექტივებზე საუბრისას, ბჟეზინსკიმ რუსეთის საშინაო და საგარეო გამოწვევებზეც იმსჯელა.
"საქართველო რუსეთთან ალიანსის შესაძლო კანდიდატი ხდება, რაც მას ამერიკასთან მეგობრობის ფასად დაუჯდება - ბაქო-ჯეიჰანის ნავთობსადენის მნიშვნელობის გათვალისწინებით", - განაცხადა ბჟეზინსკიმ ევრაზიის კავშირის სავარაუდო წევრებზე საუბრისას.
ყოფილი მრჩევლის გამოსვლა ამერიკის ხმის რუსულმა ბიურომ გაავრცელა.