სასჯელაღსრულების, პრობაციისა და იურიდიული დახმარების სამინისტრო მედიის საშუალებით ბოლო ხანებში გავრცელებულ ინფორმაციას საპყრობილეებში არსებულ ვითარებასთან დაკავშირებით უარყოფს.
სამინისტროს ცნობით, გავრცელებული ინფორმაცია, რომ გლდანის #8 სასჯელაღსრულების დაწესებულების #3 კორპუსში განთავსებული პატიმრები არიან ნაცემები, არ შეესაბამება სინამდვილეს. სასჯელაღსრულების სამინისტრო აგრეთვე უარყოფს ინფორმაციას, რომ ქსნის #15 სასჯელაღსრულების დაწესებულებაში განთავსებულმა რამდენიმე პატიმარმა პირი ამოიკერა.
სასჯელაღსრულების, პრობაციისა და იურიდიული დახმარების სამინისტრო საზოგადოებას მოუწოდებს, თავი შეიკავოს გადაუმოწმებელი ინფორმაციის გავრცელებისგან.