ლიბიაში, აშშ-ს საკონსულოზე თავდასხმას, რომლის დროსაც აშშ-ს ელჩი დაიღუპა, ბარაკ ობამა გამოეხმაურა. აშშ-ს პრეზიდენტმა თავდასხმას შემაშფოთებელი უწოდა და მომხდარი მკაცრად დაგმო.
,,ამერიკის შეერთებული შტატები ნებისმიერ რელიგიურ შეხედულებებს პატივს სცემს, თუმცა, ჩვენ ცალსახად ვგმობთ ძალადობას, რომლის შედეგად ჩვენი დიპლომატები დაიღუპნენ.’’-განაცხადა ბარაკ ობამამ.
ამერიკის შეერთებული შტატების პრეზიდენტმა, საელჩოებისა და საკონსულოების დაცვის ზომების მთელი მსოფლიოს მასშტაბით გაძლიერების ბრაძანება გასცა.
შეგახსენებთ, ლიბიაში, ქალაქ ბენღაზიში ამერიკის შეერთებული შტატების ელჩი მოკლეს. კრისტოფერ სტივენსი აშშ-ს საკონსულოზე განხორციელებული თავდასხმის შედეგად დაიღუპა. ელჩის გარდა დაიღუპა საელჩოს კიდევ 3 თანამშრომელი.
თავდასხმა უკავშირდება, ინტერნეტით გავრცელებულ ფილმს ,,ისლამის უწყინარობა’’, რომელიც ამერიკელმა მოყვარულმა კინემატოგრაფებმა შექმნეს.
