"პროდუქტის უსაფრთხოებისა და თავისუფალი მიმოქცევის კოდექსში" ცვლილება შედის. ცვლილების თანახმად, ავტოგასამართი სადგურის და კომპლექსის, აირგასამართი და აირსავსები სადგურების მიერ ვიდეომეთვალყურეობის სისტემის დამონტაჟების და ფუნქციონირების მოთხოვნების შეუსრულებლობისთვის გათვალისწინებული იქნება ჯარიმა - 2 000 ლარის ოდენობით.
დაჯარიმების უფლება სსიპ- „ტექნიკური და სამშენებლო ზედამხედველობის სააგენტოს" ჩამოყალიბებამდე, საქართველოს ეკონომიკისა და მდგრადი განვითარების სამინისტროს დაქვემდებარებაში მყოფ „ტექნიკურ და სამშენებლო ინსპექციას" მიენიჭა.
კანონპროექტის ავტორები საქართველოს პარლამენტის წევრები კახაბერ ანჯაფარიძე და ზვიად კუკავა არიან.
