ცნობილი ბრიტანელი მომღერალი ელტონ ჯონი საავადმყოფოში მოხვდა. სასუნთქი გზების მწვავე ინფექციის დიაგნოზი, მომღერალს ლოს ანჯელესის ერთ-ერთ საავადმყოფოში დაუსვეს.
ჯანმრთელობასთან დაკავშირებული პრობლემის გამო, ელტონ ჯონს ლას ვეგასში დაგეგმილი ოთხი კონცერტის გადადება მოუწია. ექიმების თქმით, მას სრული სიმშვიდე და ანტიბიოტიკებით მკურნალობა ესაჭიროება.
ჩაშლილი კონცერტებისთვის მომღერალმა თაყვანისმცემლებს ბოდიში მოუხადა და მათთან ახლო მომავალში შეხვედრის იმედი გამოთქვა.
