სომხეთის ცენტრალურმა საარჩევნო კომისიამ ქვეყნის საპარლამენტო არჩევნების საბოლოო შედეგები გაავრცელა, რომლის მიხედვითაც არჩევნებში გამარჯვება მმართველმა პარტიამ მოიპოვა. პრეზიდენტ სერჟ სარგისიანის რესპუბლიკურმა პარტიამ საერთო ხმათა რაოდენობის 54,8 % მიიღო.
მეორე ადგილზე პარტია აყვავებული სომხეთი გავიდა 28,72%-ით. დანარჩენი პროცენტები გაინაწილეს პარტიებმა დაშნაკცუტუნი-5,31%, ორინაც ერკირი-4,39%, ოპოზიციური სომხეთის ეროვნული კონგრესი-3,2%, მემკვიდრეობა-2,52%, კომუნისტური პარტია-0,68%, დემოკრატიული პარტია-0,21% და გაერთიანებული სომხები-0,18%.
პარლამეტში მოსახვედრად პარტიებისთვის აუცილებელია ხუთპროცენტიანი ბარიერის გადალახვა. აღნიშნული შედეგების მიხედვით სომხეთის ყოფილი პრეზიდენტის ლევონ ტერ პეტროსიანის ოპოზიციური სომხეთის ეროვნული კონგრესის პარტია, რომელმაც არჩევნებში ხმათა რაოდენობის 3,2% მიიღო, პარლამენტს გარეთ დარჩა. პარლამენტში ვერ მოხვდა ვერც ქვეყნის ყოფილი საგარეო მინისტრის, რაფი ოფანესიანის მემკვდირეობის პარტია და ექს-სპიკერის არტურ ბაღდასარიანის პარტია- ორინაც ერიკირი.
სომხეთის კონსტიტუციის თანახმად, საპარლამენტო არჩევნების შემდეგ ქვეყანაში ახალი მთავრობა დაინიშნება.