რუსეთის პრემიერ-მინისტრმა ვლადიმირ პუტინმა, რუსეთის მედიის წარმომადგენლებთან შეხვედრაზე, სხვა საკითხებთან ერთად რუსეთის საზღვრებთან ახლოს აშშ-ს ანტისარაკეტო თავდაცვითი სისტემების განთავსების შესაძლებლობაზეც ისაუბრა. მან თქვა, რომ რუსეთი არ შეეგუება ანტისარაკეტო სისტემის განთავსებას საქართველოში .
„ ჩვენთვის არ არის სულერთი სად განლაგდება ასეთი სისტემები , ჩვენთვის არ არის სულერთი იქნება თუ არა ის საქართველოს ტერიტორიაზე ", - აღნიშნა რუსეთის პრემიერმა, რომელიც მალე პრეზიდენტად იყრის კენჭს დ ხაზი გაუსვა, რომ ასეთ შემთხვევაში რუსეთი იძულებული იქნება თავდაცვის მიზნით საკუთარი თავდასხმითი სისტემა დაუმიზნოს სამხედრო ობიექტს საქართველოს ტერიტორიაზე . ვლადიმირ პუტინმა ნათქვამს დასძინა : „ შეგიძლიათ წარმოიდგინოთ, რა საშინელება იქნება ეს? გვექნება თუ არა გარანტია, რომ ეს არ მოხდება? არა“.
რუსეთის პრემიერის სიტყვებით, თავის დროზე ქართველ კოლეგებს რაღაც წინადადებებს სთავაზობდა , თუმცა ისინი შეთავაზებებს არ იღებდნენ, " ამას გარდა ისინი სჩადიან აგრესიული ხასიათის მოქმედებებს სამხრეთ ოსეთთან მიმართებით.“- განაცხადა პუტინმა. მან გამოხატა მზადყოფნა " ეძებოს გამოსავალი ქართულ საზოგადოებასთან ერთად, თუკი არის სრვილი რუსეთთან დალაპარაკების" და აღნიშნა, რომ ქართული ოპოზიცია მზადაა რუსეთთან დიალოგისთვის.