აგენტი 007 ბრუნდება. ბრიტანელი საიდუმლო აგენტის როლს, ახალ ჯეიმს ბონდში „Skyfall” კვლავ დენიელ კრეიგი ასრულებს.
„ჯეიმს ბონდი“ ერთ-ერთი ყველაზე ხანგრძლივი და წარმატებული ფილმის ფრენჩაიზია. კრეიგი და ფილმის რეჟისორი სემ მენდესი ფილმის მონაწილეებთან ერთად საზოგადოების წინაშე ლონდონში გამართულ პრეს-კონფერენციაზე წარდგნენ.
23-ე „ჯეიმს ბონდიში“ ხავიერ ბარდემი, ჯუდი დენჩი, რალფ ფაინსი, ალბერტ ფინი, ფრანგი მსახიობი ბერენის მარლო და ბრიტანელი ნაომი ჰარისი თამაშობენ.
„Skyfall” ბრიტანეთის კინოთეატრებში 2012 წლის 26 ოქტომბრიდან გამოვა ხოლო აშშ-ში 9 ნოემბერს.
რიანამ მიმდინარე კვირაში უკვე მეორედ გააუქმა კონცერტი შვედეთში, მიზეზი კვლავ მომღერლის ავადმყოფობაა. რიანას წარმომადგენლის განცხადებით, მომღერალმა თავი შეუძლოდ 2 ნოემბერს იგრძნო და მან დაგეგმილი კონცერტის გაუქმება სცენაზე გასვლამდე 1 საათით ადრე გადაწყვიტა.
კონცერტის ორგანიზატორები შოუს ახალი თარიღის დაგეგმვაზე მუშაობენ.
3 ნოემბერს ექიმ კონრად მიურეის სასამართლო პროცესი გაიმართა. საბოლოო არგუმენტებით ნაფიც მსაჯულების წინაშე დაცვის ორივე მხარე წარდგა. ეს იყო ექიმ მიურეის 22-ე სასამართლო პროცესი.
მაიკლ ჯექსონის პირადი ექიმი თავს უდანაშაულოდ ცნობს, ბრალეულობის დამტკიცების შემთხვევაში მას 4 წლით თავისუფლების აღკვეთა მიესჯება.
„Twilight”-ის მსახიობებმა, კრისტენ სტიუარტმა, რობერტ პატინსონმა და ტეილორ ლოტნერმა, ჩინეთში, გრაუმანის თეატრის წინ დატოვეს საკუთარი ხელის ანაბეჭდები.
„The Twilight Saga: Breaking Dawn Part 1“ ბინდის რიგით მეოთხე და უკანასკნელი სერიის პირველი ნაწილის გამოსვლამდე 14 დღე რჩება.
ფანები თეატრის წინ დილიდან იკრიბებოდნენ, რათა თვალი მოეკრათ მსახიობებისთვის.
ბინდის პირველმა სამმა სერიამ $1.8 მილიონი დოლარის მოგება ნახა.
„Breaking Dawn Part 1“ კინოთეატრებში 18 ნოემბერს გამოვა.
