აშშ-ს ვიცეპრეზიდენტი ჯეი დი ვენსი 7-8 აპრილს უნგრეთში ოფიციალური ვიზიტით ჩავა, რის ფარგლებშიც პრემიერმინისტრ ვიქტორ ორბანთან შეხვედრას გამართავს და აშშ-უნგრეთის ურთიერთობებზე სიტყვით გამოვა.
ვიცეპრეზიდენტის სამსახურის მიერ გავრცელებული რელიზის მიხედვით, ვენსთან ერთად ბუდაპეშტში მეორე ლედი, უშა ვენსიც ჩავა.
"მომდევნო სამშაბათს ვიცეპრეზიდენტი ჯეი დი ვენსი უნგრეთს ეწვევა. მოუთმენლად ველი ბუდაპეშტში თქვენს გამასპინძლებას!" - წერს ორბანი X-ზე.
ცნობისთვის, აშშ-ს ვიცეპრეზიდენტის ვიზიტი 12 აპრილს დაგეგმილ უნგრეთის საპარლამენტო არჩევნებამდე თითქმის ერთი კვირით ადრე გაიმართება. წინასწარი გამოკითხვებით, ვიქტორ ორბანის პარტია Fidesz არჩევნებში ვერ იმარჯვებს.
- WP: დაბალი რეიტინგის გამო რუსული დაზვერვა ორბანზე თავდასხმის ინსცენირების იდეით გამოვიდა
-
უნგრეთის გამოკითხვები აჩვენებს, რომ ოპოზიციური Tisza ორბანის პარტიასთან სხვაობას ზრდის
მანამდე, 25 მარტს, აშშ-ს პრეზიდენტმა დონალდ ტრამპმა Truth Social-ზე გავრცელებულ პოსტში ორბანს მხარდაჭერა გამოუცხადა და უნგრელებს მისთვის ხმის მიცემისკენ მოუწოდა.
