ივანიშვილის მთავრობის 27 თებერვლის დადგენილებით, "ჰიპერპოპულაციის მართვის მიზნით" კონკრეტული ჯიშის ძაღლების მოშენებაზე დადგენილების ამოქემდებიდან 3 წლის განმავლობაში მორატორიუმი ცხადდება.
დადეგილება ძალაში 2026 წლის პირველი ივლისიდან შედის.
დადგენილების თანახმად, მომეტებული რისკის მქონე ძაღლებად ჩაითვლება და მორატორიუმი ცხდდება შემდეგ ჯიშებზე:
- ამერიკული პიტ ბულ ტერიერი;
- ფილა ბრაზილეირო;
- სტაფორდშირის ტერიერი;
- არგენტინული დოგი;
- ტოსა ინუ;
- კანე კორსო
- სტაფორდშირ ბულ ტერიერი;
ასევე მორატორიუმი ცხადდება სხვა ჯიშის ძაღლებზე:
- ჰასკი;
- მალამუტი
- ლაიკა.
"შინაურ ბინადარ ცხოველთა შესახებ" საქართველოს კანონის 23-ე მუხლის მე-2 პუნქტის ა ქვეპუნქტის საფუძველზე, ქვეყნის ტერიტორიაზე, ამ დადგენილების ამოქმედებიდან სამი წლის განმავლობაში, გამოცხადდეს ძაღლების მოშენებაზე მორატორიუმი, პოტენციურად მომეტებული რისკის ძაღლის, აგრეთვე სხვა ჯიშის ძაღლის ჰიპერპოპულაციის მართვის მიზნით. [...]
მორატორიუმის მოქმედების პერიოდში მორატორიუმზე კონტროლს განახორციელებენ სსიპ − სურსათის ეროვნული სააგენტო და მუნიციპალიტეტების უფლებამოსილი ორგანოები" - ნათქვამია დადგენილებაში.
დადგენილებას ხელს ივანიშვილის პრემიერმინისტრი, ირაკლი კობახიძე აწერს.
ივანიშვილის პარლამენტის მიერ, 2025 წლის ივლისში ადმინისტრაციულ სამართალდარღვევათა კოდექსში შეტანილი ცვლილების, კერძოდ, 103³-ე მუხლის მე-3 ნაწილის თანახმად, "საქართველოს მთავრობის მიერ გამოცხადებული ძაღლების მოშენების მორატორიუმის დარღვევა გამოიწვევს პირის დაჯარიმებას 10 000 ლარის ოდენობით".
