63 წლის ასაკში გერმანელი ფეხბურთელი და მწვრთნელი ანდრეას ბრემე გარდაიცვალა. სიკვდილის მიზეზი გულის გაჩერება გახდა.
ბრემე 1990 წლის მსოფლიო თასის მფლობელია. სწორედ მან დასავლეთ გერმანიის ნაკრების მაისურით ფინალურ შეხვედრაში, არგენტინის კარში გაიტანა გამარჯვების გოლი. შეხვედრა ანგარიშით 1:0 დასრულდა.
მცველმა ნაკრების მაისურით 86 მატჩი ჩაატარა და 8 გოლი გაიტანა. სხვადასხვა წლებში თამაშობდა მიუნხენის ბაიერნში, ინტერის მილანში, სარაგოსასა და კაიზერსლაუტერნში.
გარდა მსოფლიო ჩემპიონობისა არის ბუნდესლიგის ორგზის გამარჯვებული, უეფას და ევროპის თასების მფლობელი, იტალიის ჩემპიონი, ევროპის ჩემპიონატის ფინალისტი.
2000-2002 წლებში იყო კაიზერსლაუტერნის მწვრთნელი.
