მთავრობამ პრემიერის გაეროში გამოსვლის მის მიერვე გავრცელებული ტექსტი ჩაასწორა.
გავრცელებულ თარგმანში პრემიერი ამბობდა:
"ნება მომეცით მკაფიოდ განვაცხადო - ჩვენი მთავრობის ფუნდამენტური ფილოსოფია არის ნებისმიერ ფასად ომის აცილება და მშვიდობის უზრუნველყოფა".
ახალ ვერსიაში, აღარ გვხვდება "ნებისმიერ ფასად ომის აცილება", პრემიერს ეს სიტყვები არც გაეროში უთქვამს.
"ნება მომეცით მკაფიოდ განვაცხადო - ჩვენი მთავრობის ფუნდამენტური ფილოსოფია არის ომის აცილება და მშვიდობის უზრუნველყოფა". - თქვა ირაკლი ღარიბაშვილმა გაეროს 78-ე სესიის გენერალურ დებატებზე სიტყვით გამოსვლისას.
მთავრობის პრესსამსახურში ტაბულას უთხრეს, რომ "თარგმანი დაკორექტირდა".
მიუხედავად იმისა, რომ პრემიერს ეს ტრიბუნასთან არ უთქვამს, გაეროსთვის გაგზავნილი სიტყვის ტექსტში წერია "ნებისმიერ ფასად ომის აცილება".