გლდანის V მიკრორაიონში მომხდარი ავტოსაგზაო შემთხვევის შედეგად 4 ადამიანი დაშავდა. მედიის ინფორმაციით, დისტრიბუციის მიკროავტობუსი სილამაზის სალონის შესასვლელს შეეჯახა.
ინტერპრესნიუსის ცნობით, დაშავებულებს შორის ერთ-ერთი სალონში მყოფი პირია, დანარჩენები კი - ავტომანქანაში მსხდომები.
როგორც ტაბულას შსს-ში უთხრეს, ოთხივე დაშავებულს მსუბუქი სახის დაზიანებები აქვთ. გამოძიება დაწყებულია სისხლის სამართლის კოდექსის 276-ე მუხლით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.