შინაგან საქმეთა სამინისტროს ინფორმაციით, მუხიანში მომხდარი მკვლელობის გამო 1984 წელს დაბადებული ე. ა. დააკავეს. მას ბრალი განსაკუთრებული სისასტიკით ჩადენილ განზრახ მკვლელობაში ედება.
უწყების ცნობით, გამოძიებით დადგინდა, რომ ბრალდებულმა ნაცნობს - 1959 წელს დაბადებულ რ. მ.-ს ცივი იარაღით ათეულობით ჭრილობა მიაყენა, შემდეგ კი, კვალის დაფარვის მიზნით, ცხედარს ცეცხლი წაუკიდა და შემთხვევის ადგილიდან მიიმალა.
ცხედარი გუშინ, 22 მარტს ლიფტში იპოვეს. უწყების ცნობით, ბრალდებული რამდენიმე საათში დააკავეს.
შსს-ს განცხადებით, გამოძიება სსკ-ის 109-ე მუხლის “მ” ქვეპუნქტით მიმდინარეობს, რაც განსაკუთრებული სისატიკით ჩადენილ განზრახ მკვლელობას გულისხმობს. დანაშაული 16-დან 20 წლამდე ან უვადო თავისუფლების აღკვეთას ითვალისწინებს.
