ენმ

ხოშტარია: ენმ-ს ხელმძღვანელობამ უნდა გვანახოს, არის თუ არა მართლაც ჩრდილოვანი მმართველობა

ნაციონალურმა მოძრაობამ თავად უნდა დაიმკვიდროს თავი ამ ტიპის ფორმაციაში. გასაგებია, მათი ზოგადად ძალიან მნიშვნელოვანი როლი ამ პოლიტიკურ ლანდშაფტში, მაგრამ ამ ახალმა ხელმძღვანელობამაც უნდა დაიმკვიდროს თავი, გვანახოს, რა არის მისი ხედვა, არის თუ არა მართლაც ჩრდილოვანი მმართველობა, რა ტიპის არის, როგორ უყურებს ზოგადად კოალიციებს, რა დამოკიდებულება აქვთ, რა ხედვები ექნებათ. ანუ ეს არ არის ესე, რომ რაღაც ავტომატურად იღებ ყველაფერს. მათ დასამკვიდრებელი ექნებათ თავი და ურთიერთობები. ოღონდ ჩემთვის მიხეილ სააკაშვილის ჯანმრთელობის საკითხი დგას ამ ყველაფრის მიღმა, იმიტომ, რომ ეს არის ადამიანის ჯანმრთელობა, ეს არის მესამე პრეზიდენტის ჯანმრთელობა, ეს პირდაპირ უკავშირდება ჩვენს ყველანაირ ევროპულ პერსპექტივას, საერთოდ ადამიანებად და საზოგადოებად ვიგრძნობთ თუ არა თავს, ამას უკავშირდება.

დროას ლიდერი ელენე ხოშტარია TV პირველს მთავრობის კანცელარიასთან მიმდინარე აქციიდან ჩაერთო. კითხვა ერთიან ნაციონალურ მოძრაობის ხელმძღვანელობის ცვლილებისა და "პარტიასთან მერაბიშვილ-კეზერაშვილის უფრო დაკავშირების შემდეგ", ენმ-სთან მეტ კომუნიკაციაში ყოფნის შესაძლებლობას ეხებოდა.

კომენტარები