რუსეთის პრეზიდენტმა, ვლადიმირ პუტინმა დღეს დაამტკიცა კანონპროექტი, რომელიც რუსი ჯარების შესახებ "ყალბი ამბების" გავრცელებისთვის 15-წლამდე თავისუფლების აღკვეთას ითვალისწინებს.
კანონპროექტი აწესებს პატიმრობას განსხვავებული ვადებით, ასევე, გათვალისწინებულია ჯარიმაც იმ ადამიანებისთვის, რომლებიც "შეგნებულად ავრცელებენ ყალბ ამბებს". თუ გავრცელებას "სერიოზული შედეგი" მოჰყვება, მაშინ განსაზღვრულია უფრო მკაცრი სანქციაც.
4 მარტს რუსეთის მარეგულირებელმა ორგანომ Facebook-სა და Twitter-ზე წვდომა შეზღუდა.
ამასთანვე, რუსეთმა შეზღუდა რადიო თავისუფლებისა და BBC-ის რუსული სამსახურის ვებგვერდებზე წვდომა - შეზღუდვის მიზეზად რუსეთ-უკრაინის ომთან დაკავშირებით დეზინფორმაციის გავრცელებას ასახელებს.
