Credit Suisse-მა მილიონერთა ყოველწლიური რეიტინგი განაახლა. მონაცემების მიხედვით გასულ წელს მსოფლიოს 1,2 მილიონი მილიონერი შეემატა.
ორგანიზაციის მიხედვით, მსოფლიოში დოლარიან მილიონერთა რაოდენობა 47 მილიონს აღწევს. რეიტინგის წარმოების ისტორიაში წელს პირველად მსოფლიოს უმდიდრეს 10%-ში შემავალი ჩინელების ჯამური ქონება ამერიკელების ქონებას აღემატებოდა.
ამის მიუხედავად, წინა წლების მსგავსად მილიონერთა რიცხვით ისევ აშშ ლიდერობს. ორგანიზაციის მონაცემებით მსოფლიოს მილიონერთა 40% სწორედ ამერიკელია.
10 ქვეყნა სადაც ყველაზე მეტი მილიონერი ცხოვრობს:
- აშშ — 18.6 მილიონი (40%);
- ჩინეთი — 4,4 მილიონი ( 10%);
- იაპონია — 3 მილიონი ( 6%);
- გაერთიანებული სამეფო — 2,4 მილიონი ( 5%);
- გერმანია — 2,1 მილიონი (5%);
- საფრანგეთი — 2 მილიონი ( 4%);
- იტალია — 1,5 მილიონი ( 3%);
- კანადა — 1,3 მილიონი ( 3%);
- ესპანეთი — 979 ათასი (2%);
- ნიდერლანდები — 832 ათასი (2%)
აშშ ლიდერობს ახალწვეულ მილიონერთა რაოდენობითაც. სულ გასულ წელს აშშ-ში 675 ათასი ახალი მილიონერი გაჩნდა, რაც მომდევნო ცხრა ქვეყნის ჯამურ მაჩვენებელს აღემატება.
