სოლოლაკში, ბიძინა ივანიშვილის ბიზნესცენტრში დახურული შეხვედრა დასრულდა. შუშის სასახლეში მმართველი გუნდის წარმომადგენლები, მათ შორის, საპარლამენტო უმრავლესობის ლიდერი არჩილ თალაკვაძე და პრემიერმინისტრის სპეციალური წარმომადგენელი რუსეთთან ურთიერთობის საკითხებში, ზურაბ აბაშიძე იმყოფებოდნენ.
შეხვედრას ესწრებოდნენ ლაშა ნაცვლიშვილი და რეჟისორი გოგა ხაინდრავაც.
ბიზნესცენტრიდან გამოსვლის შემდეგ ჟურნალისტებთან კომენტარი არავის გაუკეთებია.
შეგახსენებთ, რომ ქართული ოცნება ოთხმა დეპუტატმა დატოვა. ესენი არიან - ეკა ბესელია, გედევან ფოფხაძე, ლევან გოგიჩაიშვილი და ბექა ნაცვლიშვილი. ამასთან, გია ჟორჟოლიანი ამბობს, რომ სოციალ დემოკრატები შესაძლოა უმრავლესობიდან გავიდნენ და არჩევნებში დამოუკიდებლად მიიღონ მონაწილეობა.