საქართველოში დიდი ოდენობით ნარკოტიკული საშუალების შემოტანის ბრალდებით ირანის ორი მოქალაქე დააკავეს.
ორი პირი თბილისის საერთაშორისო აეროპორტის მოფრენის დარბაზში აიყვანეს. შსს-ს ცნობით, ბრალდებულების პირადი ჩხრეკისას 40 აბი მეტადონი და კოდეინის შემცველი 350 აბი ამოიღეს.
დაკავებულებს ბრალი განსაკუთრებით დიდი ოდენობით
ნარკოტიკული საშუალების უკანონო შეძენა-შენახვასა და საქართველოში უკანონოდ
შემოტანაში ედებათ.
დანაშაული 8-დან 20 წლამდე ან უვადო თავისუფლების აღკვეთას ითვალისწინებს.