იაპონიაში, ფინანსური პრობლემების მქონე პირების თავშესაფარში გაჩენილ ხანძარს 11 ადამიანის სიცოცხლე ემსხვერპლა. ცეცხლი გვიან ღამით გაჩნდა.
მეხანძრეებმა თავშესაფარში მცხოვრები 16 ადამიანიდან მხოლოდ 5-ის გადარჩენა შეძლეს.
თავშესაფარში, რომელიც ქალაქ საპოროში მდებარეობს, ძირითადად მოხუცები ცხოვრობდნენ.
ხანძრის გამომწვევი მიზეზების დასადგენად გამოძიება დაიწყო.
