დაბა ასპინძაში ცოლის განზრახ მკვლელობაში, ორი პირის განზრახ მკვლელობის მცდელობასა და ძალადობაში ბრალდებულს 17 წლით თავისუფლების აღკვეთა მიესაჯა. გადაწყვეტილება ახალციხის რაიონულმა სასამართლომ მიიღო.
"დადასტურდა, რომ 2017 წლის 9 აპრილს, დაახლოებით 01:00 საათზე, დაბა ასპინძაში ეჭვიანობის ნიადაგზე მ.ზ.-მ დანის დარტყმით მრავლობითი ჭრილობები მიაყენა მეუღლეს, რომელიც მიღებული დაზიანების შედეგად ადგილზე გარდაიცვალა. ბრალდებულმა ასევე ფიზიკური შეურაცხყოფა მიაყენა მეუღლის დას, ხოლო შემდგომ ეჭვიანობის საფუძველზე, ნაჯახის დარტყმით სცადა ნ.ზ. - ს და ლ.ზ. - ს მკვლელობა" - აცხადებს მთავარი პროკურატურა და აღნიშნავს, რომ სამართალდამცველებმა ბრალდებული 2017 წლის 9 აპრილს, დაბა ასპინძაში დააკავეს.
მ.ზ-ს ბრალდება საქართველოს სსკ-ის 111-108-ე მუხლით (განზრახ მკვლელობა) 19-109-ე მუხლის მესამე ნაწილის ,,ა“ ქ/პუნქტით (ორი პირის განზრახ მკვლელობის მცდელობა) და 126-ე მუხლის პირველი ნაწილით (ძალადობა) ჰქონდა წარდგენილი.
