უამრავი სპეკულაცია მოვისმინე [ბორჯომის ხანძრის ჩაქრობის პროცესში] რუსეთის ჩართულობასთან დაკავშირებით. არ მინდა მწვავე გამოთქმები ვიხმარო, მაგრამ სამარცხვინოა, რაც მოვისმინე. ჩვენთვის უპირველესი არის ქვეყნის ინტერესების დაცვა. მე, როგორც ქვეყნის პრემიერმინისტრს, არ მაქვს უფლება, რეზერვში არ მქონდეს ყველა შესაძლო საშუალება. საშიშროება იმის, რომ სტიქიას უფრო დიდი მასშტაბი მისცემოდა, იყო საკმაოდ რეალური... ამიტომ, კიდევ ერთხელ მინდა, ჩვენს თანამოქალაქეებს ვუთხრა, სათანადოდ შეაფასონ ასეთი ტიპის გამოსვლები. მთავრობას გააჩნია გაცილებით მეტი პასუხისმგებლობა თოთოეული ჩვენი თანამოქალაქის, მისი სიცოცხლის, მისი ქონების დაცვის თვალსაზრისით და ჩვენ ყოველთვის ღირსეულად მოვიქცევით ყოველ ასეთ შემთხვევაში. ჩვენს მანდატს, რომელიც ჩვენმა მოსახლეობამ მოგვანიჭა, ღირსეულად აღვასრულებთ.
რუსეთ-საქართველო
პრემიერი რუსეთის ჩართულობაზე: რეზერვში უნდა მქონდეს ყველა შესაძლო საშუალება
